Н.Энхбат - Намайгаа дурсаарайдууны үг
Үг. Ц.Бавуудорж Ая. Б.Цэрэндорж
Дуучин СТА Насанцогтын Энхбат
Манантай будантай хорвоодоо
Марал буга шиг яваарай даа
Сэтгэлийн ганцхан түүнтэйгээ
Сэмбэрүү шиг амьдраарай даа
Асгарсан сарны туяан доор
Аяар аяархан дуулаарай
Намайгаа уяран дурсахдаа
Намрын хусыг түшээрэй
Цастай бороотой дэлхийдээ
Цагаан замбал шиг навчлаарай
Зүрхний ганцхан түүнтэйгээ
Зүүднийх юм шиг жаргаарай
Асгарсан сарны туяан доор
Аяар аяархан дуулаарай
Намайгаа уяран дурсахдаа
Намрын хусыг түшээрэй
Шүүдэртэй хяруутай орчлондоо
Шүтэж биеэсээ дээдлээрэй
Амраглаж нэгнээ хайрлах шиг
Амьдын жаргал байхгүй шүү
Асгарсан сарны туяан доор
Аяар аяархан дуулаарай
Намайгаа уяран дурсахдаа
Намрын хусыг түшээрэй
No comments:
Post a Comment